Павлодар облысының бас мемлекеттік санитарлық дәрігері орынбасарының шешіміне сәйкес 2020 жылдың 1 сәуірінен бастап қосымша қауіпсіздік шаралары енгізілуде, деп хабарлайды pavlodarnews.kz.
"Басты мақсат – облыс аумағында коронавирустық инфекцияның таралуына жол бермеу. Аймақ тұрғындарының қауіпсіздігін қамтамасыз етуге бағытталған белгіленген шаралар аяқталғанға дейін азаматтардың қоғамдық орындарда, соның ішінде қоғамдық көліктермен жүруі уақытша шектеледі", – дейді қала әкімінің баспасөз қызметінен.
Жолаушылар ағынының төмендеуін ескере отырып, қалалық автобус маршруттарының қозғалысы сағат 06:30-дан 20:00-ге дейін шектелетін болады. Сағат 20.00-ден бастап күн сайын маршруттың соңғы аялдамасынан қарсы бағытта тиісті маршруттың кезекші автобусы соңғы рейсті орындайды.
