Павлодарда құны 40 млн теңге болатын электрод шығаратын зауыт іске қосылды, деп жазады облыс әкімінің баспасөз қызметіне сілтеме жасап "Интерфакс-Казахстан".
"Кәсіпорын шығарғалы отырған қолмен дәнекерлеуге арналған электродтар Ресейде және Қазақстанда сынақтан өткізілген. Компанияның өнімдерін Қазақстанмен қатар, алыс-жақын елдердің энергетикалық кешен, көлік жасау, металлургия, мұнайгаз кешені, құрылыс, тау-кен өндірісі кәсіпорындары тұтынатын болады", делінген хабарламада.
Зауыт жыл соңына дейін 40 тонна дәнекерлеу электродын шығаруды көздеп отыр. "Павлодар электрод зауыты" ЖШС әр ауысымда 2 тоннаға дейін өнім шығаруға қауқарлы. Кәсіпорынға қондырғы Мәскеудің "Ротэкс" компаниясынан жеткізілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
