Павлодар облысы бойынша Жемқорлыққа қарсы әрекет ету жөнінен ұлттық бюро облыстық еңбек басқармасының басшысы Е.Асқаров тарапынан жасалған жемқорлық әрекетті әшкереледі, деп хабарлайды 24Хабар.
Е.Асқаров өзінің қарамағындағы қызметкердің делдалдық етуімен "Павлодар жеңіл конструкциялар зауыты" ЖШС өкілінен кәсіпорында қызметкермен болған және соңы қайғылы аяқталған жазатайым оқиға бойынша оңтайлы қорытынды жазып бергені үшін 1 миллион теңге пара алған.
Осыған байланысты Е.Асқаров Павлодар қаласындағы уақытша ұстау абақтысына қамалып, сотқа дейінгі тергеу жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
