Павлодарда жүргізуші аялдама келіп соғылды. Салдарынан екі адам ауруханаға түсті.
Павлодар облыстық жол полициясының мәліметінше, жол апаты 14 ақпан күні сағат 14:34-те Назарбаев даңғылында болған.
"БМВ-525 көлігінің жүргізушісі екі жаяу жүргіншіні қағып кетті. Зардап шеккендер ауруханаға жеткізілді. Жол-көлік оқиғасы бойынша тергеу жүріп жатыр. Көлік уақытша қамауға алынды. Сараптама тағайындалды", - делінген хабарламада.
Бұдан бұрын хабарланғандай, 13 ақпанда таңертең Алматыдағы Райымбек даңғылында үш автобус ірі жол-көлік апатына ұшыраған. Қалалық денсаулық сақтау басқармасы 14 адам зардап шеккенін хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
