Павлодарда жасөспірімдер мен қыздар арасында 10-15 тамыз аралығында шаңғы жарысынан өткен Қазақстан республикасының жазғы чемпионаты мәресіне жетті, деп хабарлайды pavlodarnews.kz.
Оған Ақмола, Ақтөбе, Шығыс Қазақстан, Қарағанды, Қостанай, Павлодар, Солтүстік Қазақстан облыстарының, сондай-ақ Астана және Алматы қалаларының 10-17 жас аралығындағы жас шаңғышылары қатысып, күш сынасты.
2000-2001 ж.ж. жасөспірімдер тобында 4,5 шақырымдық жарыста Шығыс Қазақстан облысының намысын қорғаған Еламан Көжебек тартысқа түсіп, бірінші орынды қанжығасына байлады.
14-15 жастағы жасөспірімдер арасында үш шақырымдық жарыста Ернұр Бексұлтан мәреге алғаш болып жетсе, 2000-2001 жж. қыздар арасында үш шақырымдық жарыста Павлодар облысының спортшысы Екатерина Ланглиц бірінші орынды және Алина Штрауб екінші орынды иеленді.
2002-2003 жж. қыздар арасында ШҚО-лық Ирина Тятова 3 шақырымдық жарыста бірінші орынға шықса, 2004 жылы туған жасөспірімдер тобында қарағандылық Иван Кузнецов жеңіс сызығына бірінші болып келді. Осы жастағы қыздар арасында бірінші орынды Әсем Жұмағазиева иеленіп, қарсыластарын шаң қаптырды.
Жарыстың екінші күні конькилік стильмен бес шақырымдық қашықтықта сынға түсуде 16-17 жастағы қыздар арасында Валентина Казанцева, ұлдар арасында Владислав Киреев озып шығып, бірінші орынды иленеді.
2002-2003 жж. қыздар арасында ШҚО-лық Алина Потоцкая озық шығып, бірінші орыннан көрінді Осы жастағы жасөспірімдер арасында Дидар Қасенов алғашқы болып топ жарды.
Классикалық стильмен 10 шақырымдық жарыста 16-17 жастағы жасөспірімдер арасында Михаил Неруш, 14-15 жастағы қыздар арасында төрт шақырымдық жарыста Алина Полоцкая жеңіске жетті. Алты шақырымдық жарыста ұлдар арасында Дидар Қасенов мәреге бірінші жетсе, 2004 жылы туылған қыздар арасында үш шақырымдық жарыста Мария Геращенко бірінші орынды иеленеді. Осы жастағы жасөспірімдер арасында Илья Шерстнев бірінші орыннан көрінді.
