Өңірлік Төтенше жағдайлар департаментінің мәліметінше, құтқарушылар осы кезеңде 49 адамды судан аман алып қалған. Құтқарылғандардың арасында 8 бала бар.
Мамандардың айтуынша, судағы қайғылы оқиғалардың басты себептері – арнайы рұқсат етілмеген жерлерде шомылу және алкогольдік ішімдік ішіп суға түсу. Қаза болған жеті адамның алтауы шомылуға арналмаған орындарда суға кеткен.
Сонымен қатар кейбір тұрғындардың қауіпсіздік үшін қойылған "Шомылуға тыйым салынады" деген ескерту белгілерін алып тастаған жағдайлары анықталған.
Су айдындарындағы қауіпсіздік талаптарын бұзған 300-ден астам адам әкімшілік жауапкершілікке тартылды. Ал шағын көлемді кемелерді мас күйінде басқару фактілері бойынша 5 қылмыстық іс қозғалған.
Төтенше жағдайлар қызметі тұрғындарды суға түсу кезінде қауіпсіздік талаптарын қатаң сақтауға шақырды.
