Павлодар облыстық ішкі істер департаментінде ҚР Тұңғыш Президенті күніне орай өткен салтанатты шарада 200-ден астам полицей марапатталды, деп хабарлайды pavlodarnews.kz.
ҚР ішкі істер министрі, полиция генерал-полковнигі Қасымов Қалмұханбет Нұрмұханбетұлының құттықтауы оқылып, департамент бастығы, полиция генерал-майоры Марат Қожаев құттықтау сөзін жалғастырды.
Осы атаулы күні құқықтық тәртіпті сақтауда және қылмыспен күресте ерекшеленген өңірлік полицейлер кезектен тыс жоғары офицерлік атақтарға, медальдар мен төсбелгілеріне, минстрдің құрмет грамоталарына және алғыс хаттарына ие болды. 100 шақты полицей "Қазақстан полициясына 25 жыл" төсбелгісімен марапатталды. Іс-шара салтанатты маршпен аяқталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
