Павлодарда мас күйде жүкті әйеліне қол көтерген тұрғынға қатысты әкімшілік іс қозғалды. Материал сотқа жіберілді, деп хабарлайды inbusiness.kz Polisia.kz-ке сілтеме жасап.
Павлодарда Ломов көшесіндегі үйлердің бірінде мас күйеуі жүкті әйеліне дөрекі сөйлеп, тіпті қол көтерген. Іштегі баласының қауіпсіздігіне алаңдаған әйел полиция шақырды.
"43 жастағы ер адамға қатысты ҚР ӘҚБтК-нің 73-1-бабы 1-1-бөлігі бойынша әкімшілік іс қозғалды, материал сотқа жіберілді. Учаскелік инспекторлар қорғау ұйғарымын шығарды", деді Павлодар қаласының Оңтүстік полиция бөлімінің жергілікті полиция қызметінің бастығы Рустам Серғазинов.
Жыл басынан бері Павлодарда отбасылық-тұрмыстық қатынастар саласындағы құқыққа қарсы іс-қимыл бойынша 226 хаттама толтырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
