Павлодар облысының әкімі Әбілқайыр Сқақов өңірде қоршаған ортаны қорғау бағытында қолға алынған жұмыстарды баяндады, деп хабарлайды inbusiness.kz.
"Кәсіпорындармен, эко-белсенділермен және профильді министрлікпен бірге бірқатар бағыт бойынша кешенді жұмыс жүргізудеміз. Атап айтқанда алюминий зауытында гибридті электр фильтрлерін іске қосу. Сол арқыл қоршаған ортаға бөлінетін шаң көлемі жылына 2,4 мың тоннаға дейін төмендете аламыз. Ал алдағы 10 жылдың ішінде тағы 55 мың тоннаға қысқартуды жоспарлап отырмыз", – деді өңір басышысы.
Мұндай өзгерістер Павлодар облысындағы өзге де өндіріс алаңдарына енгізілмек. Оның ішінде Ақсу электр стансасы, электролиз зауыты бар.
"Ақсу қаласында "Еуроазиаттық энергетикалық корпорациясы" акционерлік қоғамына тиесілі электр стансасының энергетикалық блоктарына да арнайы жабдық орнатылмақ. Сондай-ақ электролиз зауытының цехтарында да арнайы сүзгілер ауыстырылажы. Кәсіпорындардың санитарлық аймақтарын көгалдандыру жұмыстары белсенді түрде жүргізілуде. Мәселен, тек биылғы жылы 28 мыңнан аса жасыл желек отырғызылады", – деді Павлодар облысының әкімі.
Құралай Құдайберген
