Павлодарда аймақтық ауыл шаруашылығы ғылыми зерттеу институтының ғалымдары құрамында қант бар ерекше қызылшаны өсіріп шығарды, деп хабарлайды pavlodarnews.kz.
"Қазақстан әлемде қант қызылшасының 5 %-ын экспорттаушы ел болып табылады. Елімізде қант қызылшасын өңдейтін Алматы мен Шымкент облыстары ғана. Біз солтүстік өңірде аталмыш өнімді өндіріп көруді қолға алдық. Зерттеу "Ақтоғай Агро" ЖШС-нде жүргізілді. Нәтижесінде 1 гектар жерден 350 центнер өнім алынды, төрт гибридті сорттың бірі 500 центнерге дейін жетті, тамыр жемісі төрт келіні құрады. Ал, қанттылық 15%-дан 20,5 %-ға дейін өсті", – дейді ауыл шаруашылығы ғылыми зерттеу институнының маманы Қымбат Мұстафаева.
Сондай-ақ, маман атап өткендей, оңтүстік өңірлерде бір гектар жерден 250 центнер өнім алынса, оның қанттылығы 16 %-ға ғана жеткен. Енді Павлодарда қайта өңдеу жұмыстары қолға алынса, нарықтағы қант бағасы арзандауы мүмкін.
