Павлодарда жазғы мерзімде жоғары сынып оқушыларын жұмысқа орналастыруға бағытталған "Adal tabys" акциясы басталды, деп хабарлайды pavlodarnews.kz.
Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Павлодар облысы бойынша департаменті мәлім етті.
"Еrtіs – adaldyq alańy" жобалық кеңсесі облыстық білім беру басқармасымен бірлесіп, балаларды еңбекпен қамту мақсатында "Adal tabys" акциясын бастады", - деді департаментте. – Жоғары сынып оқушыларын уақытша жұмысқа орналастыруға бағытталған акцияны 84 кәсіпкер қолдап, балаларға 750 жұмыс орынын ұсынды. Өзіміздің балаларымызды адал еңбекке бейімдеу арқылы аз қамтылған отбасыларына әлеуметтік қолдау көрсетумен шектелмей, сондай-ақ жазғы демалыс уақытында табыс табуға мүмкіндік жасай отырып, адал еңбектің құндылығын қалыптастыруға ықпал етеміз. Бұдан бөлек, жазғы мерзімде жергілікті бюджеттің арқасында 2200-ден астам мектеп оқушыларын жұмыспен қамту жоспарланған және олар аймақтарды көгалдандыруға, жасылдандыруға қатысады".
Сондай-ақ табиғатты қорғау акцияларын өткізеді.
