Перу билігі төтенше жағдай режімін жариялады. Елде соңғы 10 жылда болмаған су тасқыны болды, деп хабарлайды baq.kz.
16 наурыздан бері табиғи апаттан 60-тан астам адам зардап шеккен. Сондай-ақ 11 адам із-түзсіз жоғалып кеткен.
Биліктегілердің мәліметіне жүгінсек, елдің 25 ауданын су басқан. Табиғат апатынан 8 мыңға жуық ғимарат қирап, 546 мың тұрғын зардап шеккен. Ел астанасы Лима мектептерінде сабақ тоқтатылды.
"Нуэво-Чимботедегі мектептерде сабақ жоқ. 40-қа жуық білім ордасында жарты метрден аса су бар. Бізде жарық та, су да жоқ. Көшелерді су басқан, тіпті қатынасатын көліктер де табылмайды. Чимботеден шығу мүмкін болмай тұр", – дейді қала мэрі Валентин Фернандес.
Синоптиктердің болжауынша, жауын-шашын әлі екі аптаға созылуы мүмкін. Енді ылғалды ауа райы ауру тарата бастады. Қазір Пиура ауданында денге безгегі тарап жатқан көрінеді.
