Балалар үйінің қызметкерлері мен перзентханадағы дәрігерлер сол кездің өзінде бума-бума ақшамен жүрген, деп жазады inbusiness.kz сайты.
Қымбат Досжанның айтуынша, сол кездері дәрігерлер түрлі себептермен баланы алып қалып, кейін шетелдік отбасыларға сатуды кәсіп еткен.
"Анонимді хаттарға келер болсақ, мысалы, электронды пошта арқылы хат жіберіп не келіп кездесіп өз оқиғаларын баяндап жатқандар болды. Ел құлағы елу, халықтың аузына қақпақ бола алмайсын. Халық жады ешқашан өшпейді. Сол кездегі перзентхана мен сәбилер үйінде дәрігерлер пачка-пачка доллар ұстап жүргендерін көрдік. Біз базарда тұрғанда бізден келіп, бағасына қарамай киім болса киім, тамақ болса тамақтай алып кететін. 2000-шы жылдарлың басындағы қалыпты жағдай", — деді журналист "Сұрауы бар" YouTube арнасына берген сұхбатында.
Журналистің айтуынша, бұл — бір ғана Арқалық перзентханасының мәселесі емес.
