Петропавлағы сүт зауыты ауыл тұрғындарына 21 миллион теңге қарыз. Бұл туралы компания өкілдерінің өздері айтты, деп хабарлайды astanatv.kz.
Қарыздың көбеюіне сүт өнімдеріне сұраныстың төмендеуі әсер еткен. Былтыр осы уақытта зауыт өз өнімдерін 1 млрд 102 миллион теңгеге саудаласа, биыл небәрі 753 миллион теңгеге сатқан. Осылайша 8 ауыл алдында зауыт қарызы қордаланып қалған
"Биыл біз халықтан сүттің 764 тоннасын сатып алдық. Жалпы құны 66 миллион теңгені құрайды. Оның 45 миллионын қайтардық. Яғни, қыркүйек-қазан айларына тиесілі берешегімізді өтедік. Енді тамызда алынған сүттің ақысын қайтарып жатырмыз. Тауарды өткізе алмай жатырмыз. Бірақ, табылған қаражаттың барлығы қарызды өтеуге бағытталуда", – дейді "Сүт одағы" ЖШС технологі Наталья Федотова.
