Петропавл мектептерінде екінші ауысым оқушылары қашықтан оқыту форматына көшірілді, деп жазады inbusiness.kz pkzsk.info порталына сілтеме жасап.
Осыған дейін облыс орталығында бірінші ауысым оқушылары қашықтан оқуға жіберілген болатын.
Ресурстың жазуынша, таңертең қоғамдық көліктер қаладағы көктайғақ салдарынан әдеттегі уақыттан бірнеше сағатқа кеш шыққан. Әкімдік қала көшелері мен тротуарларын көктайғаққа қарсы материалдармен өңдеу жұмыстары жүргізіліп жатқанын хабарлады.
Ақпаратқа сәйкес, қалалық жарақат пунктіне таңғы сағат 10.00-ге дейін 7 адам жүгінген. Бұдан бөлек осы уақытқа дейін облыс жолдарында 9 жол-көлік оқиғасы тіркелді, оның ішінде бесеуі Петропавлда болды. ІІД баспасөз қызметінің мәліметінше, зардап шеккендер жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
