Петропавл қаласында жедел респираторлық вирустық инфекция мен тұмауға байланысты 7 білім беру мекемесінде карантин жарияланды, деп хабарлады 24.kz.
4 мектеп пен балабақша толық жабылып, 1 жарым мың бала кезектен тыс демалысқа жіберілді. Оларға ақпанның 3-не дейін сабақ тоқтатылды. Кейбір сыныптарда оқушылардың 30%-дан астамына суық тиіп, ауырып қалған. Дәрігерлер науқастарға үйден шықпай, емделуге кеңес береді. Тұмаудың өршуіне байланысты қалалық білім бөлімі күнбе-күн мониторинг жасап, жағдайды қатаң бақылауға алған.
"Әр мұғалімде оқу жоспарының күнтізбесі бар. Бұл балалар бағдарламадан қалмайды. Олар көктемгі демалысқа кешірек шығып, сағаттарын толтыратын болады", – деді қалалық білім бөлімінің әдіскері Сәуле Анапиянова.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
