Петропавл әкімі Серік Мұхамедиев қаладағы кәріз коллекторларының бірінің әбден тозығы жетіп, зақымдануына байланысты төтенше жағдай енгізілгенін мәлімдеді, деп хабарлайды Inbusiness.kz сайты.
"Қала әкімдігі коллекторға жедел жөндеу жүргізу үшін осындай шешім қабылдап отыр", - деді Петропавл әкімі Серік Мұхамедиев.
Төтенше жағдай режимі 9 қарашадан бастап енгізіледі.
7 қараша күні облыс орталығындағы Жуков - Н.Назарбаев көшелерінің ауданында орналасқан диаметрі 800 мм кәріз коллекторы зақымданған. Бұл коллектор 1956 жылы салынған.
Қала билігі құбырлардың тозуына байланысты олардың зақымдануы жиілеп кеткенін мәлімдеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
