Солтүстік Корея сейсенбі күні таңертең шығыс жағалауынан баллистикалық зымыран ұшырды. Бұл туралы Оңтүстік Кореяның Біріккен штаб жетекшілері мен Жапонияның Жағалау күзеті хабарлады.
Жапония Премьер-Министрінің Кеңсесі жариялаған жауапқа сәйкес, снаряд Солтүстік Жапонияның Хоккайдо аралының үстінен ұшырылған деп болжануда. Зымыран оның аумағынан өтіп, Тынық мұхитына құлады.
"Зымыран Тынық мұхиты арқылы жапондық уақыт бойынша сағат 07:29 шамасында ұшып өтті", – деді Премьер-Министр Кеңсесінің бір твитінде.
Жапония Үкіметі азаматтарға қауіпсіз жерге жасырынуға кеңес берген. Сол мәлімдемеде бейбіт тұрғындар күдікті нысандарға жақындамауға және дереу полицияға немесе өрт сөндіру бөліміне хабарласуға шақырылды.
Жалпы Пхеньянның зымыранды ұшыруы өткен аптада Америка Құрама Штаттары, Жапония мее Оңтүстік Кореяның бірлескен әскери жаттығуларының аясында бір аптада бесінші рет орын алып отыр.
Бір жылғы көрсеткішке назар аударсақ, барлығы 23 зымыран ұшырылды. Солтүстік Корея өз аумағынан баллистикалық, қанатты зымырандарды шығарған.
