Қазақстан Республикасының Көлік министрлігі өзінің ресми сайтында қызметтердің байланыстарын жариялады, онда 2024 жылғы 1 наурызда сағат ауысқаннан кейін пойыздар мен авиарейстердің жөнелту уақытын нақтылауға болады.
Жолаушылар анықтамалық ақпаратты "Жолаушылар тасымалы" АҚ бірыңғай телефон қызметі арқылы 1433 нөмірі бойынша немесе @ktzh_pp_bot Telegram-ботының көмегімен тегін ала алады.
Air Astana, SCAT, Qazaq Air, Fly Arystan авиакомпаниялары авиабилеттерді сату жүйелеріне барлық қажетті өзгерістер енгізді. Жолаушыларға хабарлама жіберілді.
Әуе рейстері туралы ақпаратты авиакомпаниялардың сall-орталықтарынан алуға болады:
- Air Astana: (8-727) 244-44-77, (8-7172) 58-44-77, +7-702-702-44-77;
- Fly Arystan: (8-727) 331-10-10, +7-702-702-02-27 (WhatsApp);
- SCAT: (8-7252) 99-88-80;
- Qazaq Air: (8-727) 356-14-14.
29 ақпаннан 2 наурызға дейін Қазақстанның авиациялық әкімшілігінің жедел штабының базасында (8-7172) 79-82-14, 79-82-13 нөмірлері бойынша жедел желі жұмыс істейтін болады.
2024 жылғы 29 ақпаннан 1 наурызға қараған түні (сағат 00:00-де) жергілікті уақыт бірқатар өңірлерде 1 сағатқа артқа ауыстырылады. Бұл Астана, Алматы, Шымкент, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан облыстары, сондай-ақ Абай, Жетісу және Ұлытау облыстары. 1 наурыздан бастап елде тек бір – бесінші уақыт белдеуі болады.
