Қаралы оқиға бойынша алдын ала тергеу жұмыстары басталған, деп хабарлайды inbusiness.kz сайты.
Ер адамның спортзалдан шыққан кезде есінен танып қалғаны айтылады.
– Жедел жәрдем бригадасы дереу реанимациялық шаралар қабылдағанымен, оны аман алып қалу мүмкін болмады. Медициналық қорытынды бойынша өлімнің себебі миокард инфарктісі болған, – деп хабарлаған Астана полиция департаментінің баспасөз қызметі.
Ішкі істер министрі Ержан Сәденов старшы инспектор, арнайы жылдам әрекет ету бөлімшесінің қызметкері Қасымхан Мелдебековтың қайтыс болғанын хабарлады.
– Ол өз қызметіне адал болған, қызметіне және еліне берілген офицер еді. Оның мемлекет алдындағы еңбегі бағаланбас, – деп жазды министр әлеуметтік желідегі парақшасында.
Министрлік марқұмның отбасына барлық қажетті көмек көрсететінін қосымша атап өткен.
