Жамбыл облысында патрульдік полиция қызметкерлері көлге батып бара жатқан жасөспірімді аман алып қалды, деп хабарлайды inbusiness.kz сайты.
Оқиға туралы хабарлама "102" арнасына түскен.
Оқиға орнына жедел жеткен полиция қызметкерлері Маханбет Шаянбаев пен Қасымхан Қалаубек ойланбастан суға секіріп, жасөспірімді құтқарған.
Белгілі болғандай, 16 жастағы жасөспірім балық аулау кезінде абайсызда көлге құлап кеткен. Ол тасқа ілініп қалып, өздігінен жағаға шыға алмаған.
Құтқарылған жасөспірім жедел жәрдем қызметкерлеріне тапсырылды. Қазіргі уақытта оның жағдайы жақсы.
Жасөспірімнің ата-анасы полицейлерге жедел әрекеті мен батылдығы үшін алғыс білдірді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
