Оралда полиция бөліміне 20 автокөлік берілді, деп хабарлайды khabar.kz
Жол-патрульдік қызметі мен аттылы полиция взводына арналған техника облыстық бюджеттен бөлінген қаржыға сатып алынған. Соңғы 2 жылда ауылдық жердегі барлық учаскелік полиция қызметкері автокөлікпен толық қамтамасыз етілген. Олар үшін 100 көлік сатып алынған болатын. Бұл құқықбұзушылықты болдырмау мен алдын алуға оң әсерін тигізіп, жыл басынан бері тонау мен бұзақылық қылмыстар 15 пайызға, ауылдық жердегі мал ұрлығы 33 пайызға төмендеді. Қылмыстарды ашу көрсеткіші де жоғарылады. Мәселен, бұзақылық бойынша қылмыстардың ашылуы 100 пайыз болған.
"Биылғы жылғы 11 айдың қорытындысы бойынша қылмыс деңгейін 8,5 пайызға төмендетуге қол жеткіздік. Оның ішінде қоғамдық орындардағы бұзақылық, ішімдікке қатысты қылмыс пен жасөспірімдер жасаған қылмыстар бар",- дейді БҚО жергілікті полиция қызметінің басшысы Манарбек Ғабдуллин.
