"Бүгінге дейін полицияға 280 адам арызбен жүгінген. Сотқа дейінгі тергеу барысында "Expolis Invest VM" компаниясының басшыларының кесірінен 300-ге тарта адамның зардап шеккені анықталып отыр", – деп хабарлайды департаменттен.
Департаменттің мамандары істі жан-жақты зерттеу үшін құрылыс жүргізушілерден зардап шеккен үлескерлерге хабарласуды, атап айтқанда 71-62-85, 8-775-968-77-34 нөміріне қоңырау шалуды сұрайды.
"Мұндай жағдайға жол бермес үшін үлескер ретінде құрылысқа ақша салғыңыз келсе, мына жағдайларға мән беруіңізді сұраймыз: жобалаушы мен құрылыс жүргізетін компанияның заңды мекенжайы, компанияның мемлекеттік тіркеуде тұрғанын растайтын құжаттың, құрылтайшы мекемелер жайлы мәліметтің барына назар аударыңыз. Құзыретті органдардан лицензицяларының барына да көз жеткізу керек. Компанияның құрылыс жүргізетін жерге рұқсаты барын да сұрау керек. Сонымен қатар құрылыс жүргізушінің жауапты мердігер екенін де растап алу керек", – деп ескертеді департаменттен.
Айта кетсек, қала әкімдігі полиция департаментімен бірге мониторинг жүргізіп, құрылыс компаниясының 46-сын жауапсыз деп таныған еді.
Аян Бекенұлы
