Осакаровка ауданының бөлімшелік инпекторы, полицияның аға лейтенанты Бейімбет Қанжанов Франциядан жүлдемен оралды, деп хабарлайды өңір әкімінің баспасөз қызметі.
Полиция қызметкері "Гран-при Париж" халықаралық туринирінде самбодан 1-орынды жеңіп алды.
Самбо бойынша XVIII-ші Гран-при Париж 26-шы мамырда Шарлетти стадионында өтті. Жарысқа 17 елден: Франция, Испания, Германия, Израиль, Марокко, Ресей, Қазақстан, Өзбекстан және басқалардан 100-ден аса спортшы қатысты.
Бейімбет Қанжанов 57 келі салмақта жеңімпаз атанды. Оның жаттықтырушылары: Қайдар Қанжанов және Дәурен Адамбаев.
Бейімбет Қанжанов 1991-ші жылдың 1-ші мамырында Қарағанды облысы Шет ауданының Ақсу-Аюлы ауылында дүниеге келген. Самбомен 10 жасынан бастап айналыса бастаған.
Халықаралық санаттағы спорт шебері. ҚР ұлттық құрамасының мүшесі.
