Польшада F-16 жойғыш ұшағы құлады: ұшқыш қаза тапты

91

Бұл туралы BBC хабарлады.

Польшада F-16 жойғыш ұшағы құлады: ұшқыш қаза тапты Фото: бейнежазбадан

Польшаның орталық бөлігіндегі Радом қаласында F-16 жойғыш ұшағы апатқа ұшырады, деп жазады inbusiness.kz сайты. 

– Радомдағы қайғылы оқиға: әуе шоуына дайындық кезінде F-16 құлады. Өкінішке қарай, ұшқыш көз жұмды, – деп жазды Польша үкіметінің баспасөз хатшысы Адам Шлапка әлеуметтік желіде.

Польша билігінің мәліметінше, жерде ешкім зардап шеккен жоқ. Бейнежазбаға қарағанда, ұшақ ұшу-қону жолағына құлап, ұшқыш катапульталуға үлгермеген.

Euronews дерегінше, қаза болған әскеридің жаттығу ұшуы AirShow Radom халықаралық авиашоуы алдында өткен. Ол – Польша Қарулы күштерінің офицері болған.

Алдын ала мәліметке сәйкес, F-16 жоғары пилотаж фигураларын орындау кезінде кенеттен биіктігін жоғалтып, жоғары жылдамдықпен жерге соғылған. Соққыдан кейін ұшақ өртеніп кеткен. Қайғылы оқиғаның кадрлары әлеуметтік желіде жергілікті уақытпен сағат 20:00 шамасында тарады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу