Республиканың Денсаулық сақтау министрлігі мұндай жағдайға Украинадан келген босқындар да себеп болғанын айтады.
2022 жылдың басынан қыркүйектің аяғына дейін Польшада АИТВ-инфекциясының 1678 жаңа жағдайы анықталды. Осы қарқын жыл соңына дейін сақталса, елде қауіпті диагнозы бар 2000-нан астам адам тіркеледі деген болжам бар.
Сеймнің солшыл депутаты Анита Савинскаяның өтініш білдіруінен кейін Денсаулық сақтау министрлігі осындай деректерді жариялап отыр.
"Жақын арада АИТВ-инфекцияларының саны артуы мүмкін. Бұған ықпал ететін факторлар, атап айтқанда, жыныстық саладағы әлеуметтік мінез-құлықтың өзгеруі мен Украинадан босқындардың келуі", – деп хабарлайды Министрдің орынбасары Вальдемар Краска.
Шенеунік 2022-2026 жылдарға арналған ұлттық бағдарлама негізінде АИТВ/ЖИТС туралы қауесет сөздерді жоққа шығаратын ақпараттар жарияланатынын атап өтті.
