"Премьер-Министр өңірлердің әкімдеріне әлеуметтік маңызы бар азық-түлік өнімдерінің бағасын ұстап тұру жұмысының тиімділігін, оның ішінде "айналым" схемасын қаржыландыруды және тұрақтандыру қорларына сатып алуды ұсынылатын көлемдерге дейін жеткізу, азық-түлік тауарларының өңіраралық үздіксіз ағынын ұйымдастыру, сондай-ақ сауда субъектілерінің сауда үстемелерін асыру фактілерінің жолын уақтылы кесу арқылы арттыруды тапсырды", – деп жазылған хабарламада.
Үкіметтің мәліметі бойынша, өткен аптада әлеуметтік маңызы бар азық-түлік тауарларының бағасының өсуі 0,2% болған. Бұған қырыққабаттың 3,5%-ға және жұмыртқаның 1,6%-ға қымбаттауы әсер етті.
Өткен аптада ҚР Ұлттық банкінің басшысы Ерболат Досаев инфляцияны тұрақтандыру үшін елеулі тәуекел – бұл жанар-жағармай бағасының одан әрі өсуі және астық бағасының өсуі мүмкін екенін айтты.
Қазақстанда инфляция 2021 жылдың қыркүйегінде 0,4%-ды құрады, жыл басынан бері – 6,2%.
