Іс-шарада ҚМГ Басқарма төрағасы Асхат Хасенов құттықтау сөз сөйлеп, Қазақстанның мұнай-газ секторының қалыптасуына еңбек сіңірген ардагерлерге ілтипатын білдірді. Ол саладағы бүгінгі жетістіктер – аға буын салып кеткен сара жолдың жалғасы екенін атап өтті.
ҚМГ компаниялар тобының мыңдаған қызметкерлерінің қажырлы еңбегі мен ауызбіршілігінің арқасында еліміздің энергетикалық қауіпсіздігі нығайып келеді.
– Қазақстан Президенті Қасым-Жомарт Тоқаевтың Жарлығымен табыс етілген мемлекеттік наградалар – бұл ұзақ жылғы адал еңбекке берілген лайықты жоғары баға, – деді Асхат Хасенов.
Атап айтқанда, "Парасат" орденімен Өтеев Есен Оғланұлы марапатталды.
"Құрмет" орденінің иегерлері:
- Әліпбаев Саятай Сейдалыұлы – ҚМГ мұнай өңдеу және мұнай химиясы департаментінің директоры;
- Мұхитов Қайрат Болатұлы – "KMG-Security" ЖШС бас директорының бірінші орынбасары;
- Меңдібаев Ерболат Танашұлы – ҚМГ тасымалдау және логистика департаментінің директоры;
- Әшімов Дамир Ағыланұлы – "Kazakhstan Petrochemical Industries Inc." ЖШС бас директоры;
- Мұсаев Дәулет Жұмабайұлы – ҚМГ газды дайындау және өңдеу басқармасының бастығы.
"Еңбек Даңқы" ІІІ дәрежелі ордені:
- Мұқанбетқалиев Сабырғали – "Атырау мұнай өңдеу зауыты" ЖШС еңбек ардагері;
- Байжанов Ілесбек Сейітұлы – "ПетроҚазақстан Ойл Продактс" ЖШС еңбек ардагері;
- Жақсыбаев Абдурахман Аббасұлы – "ПетроҚазақстан Ойл Продактс" ЖШС еңбек ардагері;
- Ордиев Берік Шахзадаұлы – "Атырау мұнай өңдеу зауыты" ЖШС еңбек ардагері;
- Мырхайдаров Мұхтар Бахадүрұлы – "ПетроҚазақстан Ойл Продактс" ЖШС №1 технологиялық цехының механигіне табысталды.
"Ерен еңбегі үшін" медалінің иегерлері:
- Мырзағалиева Жансая Сайлауқызы – "ҚМГ Инжиниринг" ЖШС геология департаментінің директоры;
- Нұрашов Мирас Жақсылықұлы – "Қазгермұнай" БК" ЖШС мұнай және газ өндіру департаменті газды дайындау және тасымалдау цехының 6-разрядты технологиялық қондырғылар операторы;
- Максимов Сергей Александрович – "Атырау мұнай өңдеу зауыты" ЖШС еңбек ардагері;
- Өтеулиев Сенбек Ташкенбайұлы – "ПетроҚазақстан Ойл Продактс" ЖШС еңбек ардагері;
- Мартынов Владимир Вячеславович – "Атырау мұнай өңдеу зауыты" ЖШС еңбек ардагері.
Жалпы, Қазақстан Республикасы Президентінің Жарлығымен еліміздің мұнай-газ саласын дамытуға қосқан зор үлесі үшін ҚМГ компаниялар тобының 61 еңбек ардагері мен қызметкері мемлекеттік наградаларға ие болды.
Сонымен қатар салтанатты іс-шара барысында ҚМГ компаниялар тобының қызметкерлеріне мұнай-газ саласын дамытуға қосқан үлесі үшін ҚР Энергетика министрлігінің ведомстволық медалі, "KAZENERGY" медалі, ҚР Энергетика министрлігінің "Мұнай-газ саласының еңбек сіңірген қызметкері" төсбелгісі, ҚМГ естелік белгісі, ҚазМұнайГаздың "Еңбек сіңірген мұнайшы", "Үздік мұнай өңдеуші" және "Үздік мұнайшы" төсбелгілері, сондай-ақ ҚР Энергетика министрлігінің, "Самұрық-Қазына" АҚ және ҚМГ-ның құрмет грамоталары мен алғыс хаттары табыс етілді.
