Мұндай ұсынысты Президент Қасым-Жомарт Тоқаев Қазақстан халқына жолдауында айтты, деп жазады inbusiness.kz.
"Әрбір отбасы елдің ұлттық байлығын пайдаланудан нақты қайтарым алуы тиіс. Сондықтан балалар жылы аясында "Ұлттық қор – балаларға" деген жаңа бағдарламасын бастау өте маңызды деп санаймын", – деді ол.
Кәмелетке толғаннан кейін жинақталған сома тұрғын үй сатып алуға және білім алуға бағытталатын болады. Бұл қаражат өскелең ұрпаққа ересек өмірге нағыз жолдама береді, деп есептейді Тоқаев.
"Қор шын мәнінде ұлттық мәртебеге ие болады және халықтың мүдделеріне қызмет ететін болады. Осы ауқымды бастаманы тыңғылықты пысықтау қажеттігін ескере отырып, жобаны 2024 жылғы 1 қаңтардан бастап іске қосуды тапсырамын", – деді Тоқаев.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
