RU KZ
Президент батыстағы электр желілерін қолға алуды тапсырды

Президент батыстағы электр желілерін қолға алуды тапсырды

22 Сәуір 2021 15:10 306

Президент батыстағы электр желілерін қолға алуды тапсырды
ҚР президенті Қасым-Жомарт Тоқаев Үкіметке еліміздің батыс өңіріндегі электр желісінің жұмыс сапасын арттыру бойынша кешенді шаралар қабылдауды тапсырды, деп хабарлайды Мемлекет басшысының баспасөз қызметі Атырау облысының әлеуметтік-экономикалық даму мәселелері жөніндегі кеңестің қорытындысы бойынша.

«Бұл мәселені шешпей облыстың қарыштап дамуы мүмкін емес. Өңір электр энергиясымен сапалы және толық көлемде қамтамасыз етілуге тиіс», - деді Тоқаев.

Мемлекет басшысы әзірге бұл бағытта проблемалар бар екенін мойындады.

«Энергетикалық желілердегі апаттық жағдайлар Атырау мұнай өңдеу зауыты жұмысының тоқтап қалуына әкелді. Өз кезегінде бұл жанар-жағармай нарығындағы жағдайдың нашарлауына әсер етті», - деп атап өтті ол.

Президент өзінің тапсырмасы бойынша еліміздің батыс облыстары арасындағы транзиттік байланыстарды күшейту және оларды Қазақстанның бірыңғай энергия жүйесімен біріктіру схемасы әзірленіп жатқанын атап өтті.

Ұқсас материалдар:

×