DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
Президент: Біз коронавируспен ауырудың шарықтау шегін әлі өткізген жоқпыз

Президент: Біз коронавируспен ауырудың шарықтау шегін әлі өткізген жоқпыз

Бүгін Президент Қасым-Жомарт Тоқаевтың төрағалығымен Төтенше жағдай жөніндегі Мемлекеттік комиссияның отырысы өтті.

10 Сәуір 2020 15:08 191

Президент: Біз коронавируспен ауырудың шарықтау шегін әлі өткізген жоқпыз

Төтенше жағдай жөніндегі Мемлекеттік комиссияның отырысына облыстар мен республикалық маңызы бар қалалардың әкімдері, сондай-ақ, мемлекеттік органдар мен құқық қорғау құрылымдарының басшылары бейнебайланыс режимі арқылы қатысты. Мемлекет басшысының баспасөз хатшысы Берік Уәли отырыста карантин режимін сәуірдің соңына дейін созу туралы шешім қабылданғанын хабарлады.

«15 сәуірде төтенше жағдай режимі туралы Жарлығымның мерзімі аяқталады. Төтенше жағдай режимін, кем дегенде, сәуірдің аяғына дейін созуға тура келетіні қазірдің өзінде түсінікті болып отыр. Біз коронавируспен ауырудың шарықтау шегін әлі өткізген жоқпыз. Індетке қатысты жағдайды жеңілдетуге болмайды. Осы себепке байланысты карантин режимін елордада, Алматы мен Шымкентте және тиісті облыстарда сәуірдің аяғына дейін созуды тапсырамын. Мұның оңтайлы шешім емес екенін түсінемін. Өйткені халық көшеге шығып, қалыпты тұрмысын жалғастырғысы келеді. Бірақ карантин режимін сақтаудан, оқшауланудан басқа жол жоқ. Бұл отандық және халықаралық вирусолог мамандардың ұсынысы», – деген Президенттің сөзін жеткізді Берік Уәли.

inbusiness.kz-ті қараңыз, оқыңыз :

Елордалық медицина мамандары қала тұрғындарына бейнеүндеу жолдады

Бейнеүндеуде дәрігерлер мен медбикелер тұрғындарды денсаулықтарына сақтықпен қарап, үйде болуға шақырды.

25 Наурыз 2020 14:19 240

Елордалық медицина мамандары қала тұрғындарына бейнеүндеу жолдады

Коронавирус инфекциясымен бетпе-бет келіп, тәулік бойы күресіп жатқан медицина қызметкерлері қала тұрғындары мен қонақтарына бейнеүндеу жолдады, деп хабарлайды Елорда әкімдігінің ресми сайты.

Бейнеүндеуде тәжірибелі дәрігерлер мен медбикелер тұрғындарға қазір қиын-қыстау кезеңді бастап өткеріп жатқандарын айтып, тұрғындарды денсаулықтарына сақтықпен қарап, үйде болуға шақырды.

«Қазір маңызды кезеңдердің бірі. Бұл жаттығу емес. Біз үшін сіздердің өмірлеріңіз маңызды. Денсаулықтарыңызды сақтаңыздар. Бізге көмектесіңіздер. Үйде болыңыздар», – деді инфекционист дәрігер бейнежолдауда.

Астаналық медицина мамандарының пайымынша, вирусты жоюда дәрігерлердің ғана емес, азаматтардың да жауапкершілігі маңызды.

Еске сала кетсек, Нұр-Сұлтан қаласында 22 наурыз сағат 00.00-ден бастап қалаға кіріп-шығуға тыйым салынды. Қалада өткізу-бақылау бекеттері орнатылған. Күнделікті өмірге қажетті азық – түлік пен қажетті тауарларды кедергісіз тасымалдауға рұқсат берілген.

Париж – Минск – Нұр-Сұлтан бортымен келген жолаушылар үй карантиніне жатқызылады

3 науқас ауруханаға жеткізілді.

21 Наурыз 2020 13:58 240

Париж – Минск – Нұр-Сұлтан бортымен келген жолаушылар үй карантиніне жатқызылады

Нұр-Сұлтан қаласы қоғамдық денсаулық сақтау басқармасының басшысы Сәуле Қисықова короновирус инфекциясын жұқтырған соңғы 3 адамға қатысты ақпаратпен бөлісті. 

«19 наурыз күні Париж-Минск-Нұр-Сұлтан бағытындағы рейспен 73 жолаушы ұшып келді. Осы борттан 3 науқас анықталып, ауруханаға жеткізілді. Науқастармен бірге ұшып келген адамдар үй карантиніне жатқызылады», – деді Сәуле Қисықова.

Қанат Махамбет

Жаңалықтарға жазылу: