/img/tv1.svg
RU KZ
Hang Seng 23 372,43 KASE 2 155,58
РТС 955,34 FTSE 100 5 510,33
DOW J 21 641,19 Өнеркәсібі 1 552,50
Президент қаржы пирамидасына алданған халықтың мәселесіне назар аударды

Президент қаржы пирамидасына алданған халықтың мәселесіне назар аударды

Мемлекет басшысы Қасым-Жомарт Тоқаев құқық қорғау құрылымдары мен қаржы нарығын қадағалайтын және мониторингтейтін мемлекеттік органдар басшыларымен кеңес өткізді.  

26 Ақпан 2020 19:57 116

Президент қаржы пирамидасына алданған халықтың мәселесіне назар аударды

Жиында ел азаматтарына айтарлықтай материалдық шығын келтірген қаржы-несие ұйымдарының заңсыз қызметіне тосқауыл қоюға байланысты мәселе қарастырылды, деп хабарлайды Ақорда.

Қасым-Жомарт Тоқаев қоғамда наразылық тудырған жағдайды егжей-тегжейлі тексеруді, азаматтардың құқықтарының бұзылуына жол бермеу үшін шаралар қабылдауды және кінәлілерді жауапқа тартуды тапсырды. Мемлекет басшысы болашақта мұндай жағдайға жол бермеу керектігін және халықтың қаржылық сауаттылығын арттыру жұмыстарының маңыздылығын атап өтті.

Сонымен қатар кеңесте Еуразиялық экономикалық одаққа мүше елдерден ұлттық заңнамаларды бұза отырып әкелінген автокөліктерді тіркеу мәселесі де талқыланды.

Президент Үкіметке Қазақстанның заңнамаларын, мемлекеттік бюджеттің де, автокөлік иелерінің де мүдделерін ескере отырып, аталған проблеманы шешу нұсқаларын әзірлеу жөнінде тапсырма берді.

inbusiness.kz-ті қараңыз, оқыңыз :

Прокуратура «Қара касса» ойынын алаяқтық әрекет деп бағалады

Бұл туралы ақпарат Бас прокуратураның ресми сайтында  хабарланды.  

18 Ақпан 2020 21:55 320

Прокуратура «Қара касса» ойынын алаяқтық әрекет деп бағалады

Еліміздің бас прокуратурасы «котел» немесе «черная касса» ойынын алаяқтық әрекет деп бағалады, деп хабарлайды Atameken Business.   

«Ондағы мәлімет бойынша соңғы уақытта әлеуметтік желілер мен месенджерлерде «қаржы пирамидасы» ойынына шақырту тарап жатыр.   Осы ойынды ұйымдастырушылардың іс-әрекетінде қаржылық пирамиданың  белгілері – табыс алудың алаяқтық схемасы көрінеді», – делінген хабарламада.

Бас прокуратураның мәліметтеріне қарағанда, біріншіден, жоғары табыстылық, жылдам байыту, жылдам пайда алу уәделері нарық заңдарына сай емес.  Екіншіден, ұйымдастырушыларда арнайы лицензиялар жоқ, ал қаржы нарықтарындағы қызмет міндетті мемлекеттік лицензиялауға жатады.

Осыған байланысты, Нұр-Сұлтан қаласының прокуратурасы заңсыз табыс табу бойынша қызмет жасаушылар мен олардың басшыларына қатысты Қылмыстық Кодекстің 217-бабы бойынша қылмыстық жауапқа тартылатынын еске салады.

Жаңалықтарға жазылу: