/img/tv1.svg
RU KZ
KASE 2 381,23 Hang Seng 27 610,72
FTSE 100 7 475,33 DOW J 29 348,20
РТС 1 539,70 Бидай 560,20
Президент ҚХР Бүкілқытайлық халық өкілдері жиыны тұрақты комитетінің төрағасымен кездесті

Президент ҚХР Бүкілқытайлық халық өкілдері жиыны тұрақты комитетінің төрағасымен кездесті

Кездесу барысында Қазақстан мен Қытайдың парламентаралық ынтымақтастығы жайы талқыланды. Екі тарапта аталмыш қарым-қатынастың жұмысын оң бағалады.

12 Қыркүйек 2019 11:40 990

Президент ҚХР Бүкілқытайлық халық өкілдері жиыны тұрақты комитетінің төрағасымен кездесті

Қасым-Жомарт Тоқаев Ли Чжаньшуды ҚХР-дың 70 жылдық мерекесімен құттықтап, Қытайға мемлекеттік сапары барысында жасалған өзара тиімді уағдаластықтар жөнінде айтты, деп хабарлайды Ақорданың баспасөз қызметі.

«Кешегі келіссөздер сәтті өтті. Қытай Қазақстанның үлкен көршісі. Сондықтан біз екі ел арасындағы жан-жақты ынтымақтастығымызды ескере отырып, Төраға Си Цзиньпинмен Бірлескен мәлімдемеге қол қойдық. Онда біздің әріптестігіміз стратегиялық және ұзақ мерзімді мәнге ие екені көрсетілген. Бұл сапарымның қорытындыларына қанағаттануға барлық негіз бар»,– деді Президент.

Мемлекет басшысы екі елдің парламентаралық қарым-қатынастарын одан әрі нығайту перспективалары туралы айта келіп, осы жылдың қыркүйегінде Нұр-Сұлтан қаласында өтетін Еуразия парламенттері спикерлері IV кеңесінің маңыздылығын да атап өтті.

«Сіздің Қазақстанға үш рет келгеніңізді білемін. Жақын арада сіз Қазақстанға қайта барасыз. Бірақ бұл сапарыңыз Бүкілқытайлық халық өкілдері жиыны тұрақты комитетінің Төрағасы ретінде болатындықтан, оның жөні де бөлек болмақ. Біз сіздің сапарыңызды зор ықыласпен күтеміз»,– деді Қасым-Жомарт Тоқаев.

Ли Чжаньшу Қасым-Жомарт Тоқаевтың Қазақстан-Қытай қарым-қатынастарын дамытуға қосқан елеулі үлесін атап өтіп, оның Си Цзиньпинмен келіссөздерінің нәтижелі өткеніне тоқталды.

«Кеше Сіз бен Төраға Си Цзиньпиннің арасында сенімді әрі жемісті келіссөздер болды. Кең ауқымды мәселелер бойынша пікір алмасулар өтті. Соның нәтижесінде Бірлескен мәлімдемеге қол қойылды. Онда екі көшбасшы да тараптар стратегиялық әріптестікті дамытады деп мәлімдеді. Осылайша, сіздің Қытайға сапарыңыз үлкен жетістікпен аяқталды. Ал Қазақстан-Қытай қарым-қатынасы жаңа тарихи кезеңге өтті»,– деді Ли Чжаньшу.

inbusiness.kz-ті қараңыз, оқыңыз :

Қытай өз пайдасы үшін басқа елдердің мүддесіне қысым жасамайды – Ли Чжаньшу

Елордада «Үлкен Еуразия: Диалог. Сенім. Серіктестік» тақырыбында Еуразия елдері парламенттері төрағаларының IV кеңесі өз жұмысын бастады.

24 Қыркүйек 2019 13:14 241

Қытай өз пайдасы үшін басқа елдердің мүддесіне қысым жасамайды – Ли Чжаньшу

Фото: 24.kz

Қытай әр елдің егемендігін мойындайды және өз пайдасы үшін көршілес елдерге қысым көрсетпейді. Бүкілқытайлық халық өкілдері Жиналысы тұрақты комитетінің төрағасы Ли Чжаньшу осылай деді.

«Қытайдың дамуы – бұл бейбітшілікке бағытталған жол. Біз бейбітшілікті бағалаймыз, сондықтан барлық елдермен тең және достық қарым-қатынас орнатамыз. Біз қысым жасауға және қудалауға қарсымыз және әр елдің тәуелсіздігін мойындаймыз. Қытайлықтар әділеттілік және адалдықты жақтаушы ретінде өздерінің дамуын басқа елдермен тығыз байланыстырады. Қытай өз пайдасы үшін басқа елдердің мүддесіне қысым жасамайды»,– деді Ли Чжаньшу Нұр-Сұлтан қаласындағы Еуразия елдері парламенттерінің спикерлерінің отырысында.

«Қытайдың дамуы – бұл ашықтыққа бағытталған жол. Біз ашықтық ұстанымын басшылыққа алып, экономикалық жаһандануға үлесімізді қосып, жабық блоктан бас тартамыз. Айқара ашылған Қытайдың есіктері ешқашан жабылмайды. Қыталық дамудың «пойызы» барлық серіктестерімізге ашық», – деді ол сөзінде.

Табиғат Нұрболат

Елбасы Ли Чжаньшумен кездесті

ҚР Тұңғыш Президенті Нұрсұлтан Назарбаев ҚХР Бүкілқытайлық халық өкілдері жиналысы Тұрақты комитетінің төрағасы Ли Чжаньшумен кездесті.

23 Қыркүйек 2019 19:27 275

Елбасы Ли Чжаньшумен кездесті

Кездесу барысында Нұрсұлтан Назарбаев Қазақстан мен Қытай Халық Республикасы арасындағы қатынастардың ерекше достық сипатын атап өтті, деп хабарлайды Елбасының баспасөз қзыметі.

­«Тәуелсіздік жылдарында біз Қытай Халық Республикасымен ең жақын достық қатынастар орнаттық. Біздің қатынастарымыз басқа елдер үшін тату көршіліктің үлгісі болып табылады. Төраға Си Цзиньпинмен ерекше қарым-қатынастамын және мен оны өте жоғары бағалаймын», – деді Елбасы.

Қазақстанның Тұңғыш Президенті мемлекетаралық қатынастарды нығайту ісінде Еуразия елдері парламенттері спикерлерінің IV кеңесінің ерекше маңыздылығын атап өтті.

Өз кезегінде Ли Чжаньшу Нұрсұлтан Назарбаевқа ҚХР Төрағасы Си Цзиньпиннің жылы лебіздерін жеткізді.

Сонымен қатар, БХӨЖ Тұрақты Комитетінің Төрағасы Қазақстан Президентімен, сондай-ақ ҚР Парламенті Сенаты мен Мәжілісінің спикерлерімен өткен келіссөздердің нәтижелеріне тоқталды.

«Біз жақсы келіссөздер жүргіздік. Нұрсұлтан Әбішұлы, Сіз бен Қытай басшылығы негізін қалаған Қытай мен Қазақстан арасындағы қатынастар жаңа жағдайларда одан әрі дами түсетіні туралы келісімге қол жеткізілді», –  деді Ли Чжаньшу.

 

Жаңалықтарға жазылу: