/img/tv1.svg
RU KZ
DOW J 25 414,54 FTSE 100 6 565,80
KASE 2 222,59 Hang Seng 26 109,93
РТС 1 299,69 Brent 50,09
Президент Мюнхен конференциясында өңірлік қауіпсіздік бойынша сөз сөйлейді

Президент Мюнхен конференциясында өңірлік қауіпсіздік бойынша сөз сөйлейді

Қасым-Жомарт Тоқаев қауіпсіздік жөніндегі 56-шы Мюнхен конференциясының ресми ашылу рәсіміне қатысты.  

14 Ақпан 2020 21:24 181

Президент Мюнхен конференциясында өңірлік қауіпсіздік бойынша сөз сөйлейді

Рәсім барысында қауіпсіздік жөніндегі Мюнхен конференциясының төрағасы Вольфганг Ишингер, Германия Президенті Франк-Вальтер Штайнмайер және Франция Президенті Эмманюэль Макрон сөз сөйледі, деп хабарлайды Ақорданың баспасөз қызметі.

Мемлекет басшысы конференция асында өтетін панельдік пікірталаста өңірлік қауіпсіздік мәселесі бойынша «Географиялық орналасудың маңызы: Орталық Азия туралы әңгіме» тақырыбында сөз сөйлейді деп жоспарланған. Онда Қасым-Жомарт Тоқаев өңірдегі қауіпсіздікті қамтамасыз ету перспективалары жайында өзінің ой-пікірін ортаға салып, «Бір белдеу, бір жол» бастамасының жүзеге асырылу барысындағы Қазақстанның экономикалық мүмкіндіктері туралы айтады.

inbusiness.kz-ті қараңыз, оқыңыз :

Алжир халқы 5-ші рет сайланбақ болған президентін тақтан тайдырды

Олар жасы сексеннен асқан, жарымжан адамның ел басқарғанын қаламайды. 

01 Сәуір 2019 13:54 302

Алжир халқы 5-ші рет сайланбақ болған президентін тақтан тайдырды

Соңғы 3 айда оған наразы топ күш алып кеткендіктен, Абдель Азиз Бутефлика ертеңнен бастап отставкаға кететінін мәлімдеді, деп хабарлайды Atameken Business.

Осыған дейін ол елді тыныштандыру үшін осы жолы қайта сайлансам, тағы бір жыл жұмыс істеп, билікті бейбіт жолмен табыстаймын деп уәде берген. Бірақ халық оған сенбейді.

Алжир президенті 5 жыл бұрын инсульт алған. Соңғы кездері халық алдына мүлдем шықпайды. Мүгедек арбасына таңылса да, 2014 жылғы сайлауда 4-ші мерзімге тағайындалған. Бірақ ашынған халық оның 5-ші мәрте бақ сынауына жол бермеді.

«Алжирді 1962 жылдан бері жемқорлар басқарды. Біз содан бері босып кеттік. Елге жөні түзу басшы бұйырмаған соң, халық амалсыздан Франция, Канада, АҚШ-қа қоныс аударды. Енді өкімет өзгеріп, жағдай түзелсе, елге қайтармыз деп үміттенемін», – Францияда тұратын Алжир азаматы Аиша Мад Джен.

Конституциялық кеңестің Қазақстан Республикасы президентінің өтініші бойынша шешімі жария етілді

2019 жылғы 15 ақпанда Қазақстан Республикасының Президенті Н.Ә. Назарбаевтың өтініші бойынша қабылданған Конституциялық Кеңестің Республика Конституциясы 42-бабының 3-тармағын ресми түсіндіру туралы нормативтік қаулысы жария етілді.  

15 Ақпан 2019 16:46 593

Конституциялық кеңестің Қазақстан Республикасы президентінің өтініші бойынша шешімі жария етілді

Бұл туралы Конститутциялық кеңестің ресми сайтында жарияланды. Осыған дейін хабарланғандай, Мемлекет басшысының өтінішінде Конституцияның 42-бабының 3-тармағында белгіленген Қазақстан Республикасы Президентінің өкілеттігін мерзімінен бұрын тоқтату негіздерінің тізбесі толық болып табылады ма, деген сұрақ қойылған болатын.
Конституциялық Кеңес аталған нормада Президенттің өкілеттігін мерзімінен бұрын тоқтату негіздері толық емес деп түсіндірді.
Кеңестің пікірінше, Негізгі Заңнан Мемлекет басшысының отставкаға шығу құқығы туындайды. Аталған құқық президенттік басқару нысаны мен Республика Президентінің конституциялық мәртебесінің элементі болып табылады. Ол адам әрі Қазақстан азаматы ретінде Президентке тиесілі және әр тұлғаның конституциялық құқықтарын, соның ішінде еңбек ету бостандығына, қызмет пен кәсіп түрін еркін таңдауына құқығын бекітетін Конституцияның басқа да ережелерінен туындайды (13-баптың 1-тармағы, 24-баптың 1-тармағы және т.б.).
Конституциялық Кеңес Конституция 42-бабының 3-тармағындағы «сондай-ақ Президент қызметінен мерзімінен бұрын босатылған...жағдайда...» деген сөз тіркесі оның өкілеттігін мерзімінен бұрын тоқтатудың негізі ретінде Мемлекет басшысының отставкаға шығуын да қамтиды деп есептейді.
Нормативтік қаулының толық мәтіні баспасөзде жарияланады.

Жаңалықтарға жазылу: