Президент Жолдауында құрылыс секторына тоқталды. Айтуынша, бұл сала ішкі жалпы өнімнің 5-6 пайызын береді, жанама салалар қосылса, бұл көрсеткіш одан да көп.
"Бүгінде Қазақстандағы сәулет-құрылыс қызметін реттейтін 2,5 мыңнан астам құжат бар. Бұл жүйе әбден қағазбастылыққа көмілген. Жемқорлық аз емес. Ескі құрылыс стандарттары мен нормалары әлі де қолданылады. Сондықтан Үкіметке мүлдем жаңа құжат – Қала құрылысы кодексін қабылдауды тапсырамын", – деді Қасым-Жомарт Тоқаев.
Мемлекет басшысы әрбір қаланың жер телімдері мен коммуналдық желілердің схемасы көрсетілген функционалды интерактивті картасын жасауды тапсырды: "Жер кадастрында өнеркәсіптік мақсатқа арналған жер телімдерінің картасын қолданыстағы көлік және коммуникация инфрақұрылымының схемаларымен толықтырып отыру қажет"
