"Пандемиямен" күреске арналған дәрі-дәрмек жібергені үшін Үндістан үкіметіне және Премьер-министр @NarendraModi мырзаға шынайы алғысымды білдіремін. Осы көмек Үндістан шетелге дәрі экспорттауды тоқтатқан кезде жіберіліп отыр. Бұл нағыз достық пен ниеттестіктің белгісі деп санаймын",– деп жазды Қасым-Жомарт Тоқаев твиттердегі парақшасында.
Айта кетсек, кеше Үндістанда ота жасауға кезегін күтіп жүрген қазақстандықтар елге келді. Отандастарымыздың өтінішімен Денсаулық сақтау министрлігі мен Сыртқы істер министрлігі, сондай-ақ еліміздің Үндістандағы Елшілігінің атсалысуымен "SCAT" әуекомпаниясының арнайы чартерлік рейсі ұйымдастырылды.
Үнді тарапының гуманитарлық көмегі де осы рейспен жеткізілді. Олар коронавируспен күресу үшін гуманитарлық көмек ретінде 30 мың дәрі-дәрмек жіберді.
