Көкшетауда өтіп жатқан Қазақстан мен Ресей XVII өңіраралық ынтымақтастық форумында Президент газдың ресурстық базасын ұлғайту үшін аталған мәселені шешу маңызды екенін атап өтті.
Айта кетейік, Имашев газ кен орнын игеру 2013 жылы қос мемлекет арасында үкіметаралық келісімнің хаттамасымен реттеледі.
Келісім бойынша жоба операторы – "Газпром" және "ҚазМұнайГаз". Имашев газ кен орны Ресей (Астрахан облысы) мен Қазақстан (Атырау облысы) шекарасында орналасқан.
2003 жылғы сәуірде "ЛУКОЙЛ" мен "ҚазМұнайГаз" компаниялары Каспий теңізінің солтүстік бөлігінде орналасқан Хвалын кен орнын бірлесіп игеру келісіміне қол қойған, ал 2005 жылғы наурызда оны игеру үшін бірлескен кәсіпорын құрылды. Алайда кен орнын игеру мәселесі әлі шешілмеген. Себебі "Газпром" компаниясымен газ тасымалдау мәселесі әлі шешілген жоқ.
