Президентке компанияның Каспий теңізі қайраңындағы "Жеңіс" және "Әл-Фараби" мұнай жобаларындағы геологиялық барлау жұмыстарының барысы туралы айтылды.
"Бұдан бөлек Қасым-Жомарт Тоқаевқа былтыр Алматы облысында іске қосылған "ЛУКОЙЛ" зауытының жұмысы туралы баяндалды", – деп жазылған хабарламада.
Компания басшысының айтуынша, бүгінде зауыт әртүрлі жағармай материалдарының 800-ге жуық түрін өндіріп, өңірдегі елдерге экспорттайды.
Сонымен қатар Вагит Алекперов Мемлекет басшысына әлемдік мұнай нарығының қазіргі жағдайы мен баға белгілеудің перспективасына қатысты "ЛУКОЙЛ" компаниясының ұстанымы туралы айтты.
Қасым-Жомарт Тоқаев ресейлік компанияның әлеуметтік маңызы бар жобаларды іске асыруға атсалысып отырғанын ерекше атап өтіп, оның Қазақстан мұнай-газ секторын дамытуға қосқан үлесін жоғары бағалады.
