Қарағанды қаласында аудандық прокуратураның бөлім прокуроры пара алу үстінде ұсталды, деп хабарлайды бас прокуратураның баспасөз қызметі.
2018 жылғы 16 мамыр күні бас прокуратураның ішкі тергеу департаментінің қызметкерлері Қарағанды қаласы Қазыбек би атындағы аудандық прокуратураның бөлім прокуроры Е. Балхабекұлын 300 мың теңге көлемінде пара алу барысында ұстады. Ол үш сотталғанға қатысты бас бостандығынан айырумен байланысты емес қылмыстық жазаны қолдау үшін өтемақы алмақ болған.
Қазіргі уақытта ол уақытша ұстау изоляторында.
Іс бойынша қажетті тергеу амалдары жүргізілуде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
