Бұл туралы ҚР Қорғаныс министрлігінің баспасөз қызметі хабарлады, деп жазады inbusiness.kz сайты.
Әскери қызметшілер Кеңес Одағының Батырлары – мерген Әлия Молдағұлова, пулеметші Мәншүк Мәметова, мерген Ыбырайым Сүлейменов және 400-ге жуық фашистің көзін жойған аты аңызға айналған мерген, Халық қаһарманы Төлеуғали Әбдібеков жерленген Монаково, Заиванье ауылдары мен Невель қаласындағы бауырластар зиратында болды.
Батыс Қазақстан облысының іздеушілері невельдік "Гвоздика" іздеу жасағымен бірінші жылдан бері байланыс жасап келеді. Жеңіс күні қарсаңында "Парыз" іздеу жасағы мен Орал ақпараттық технологиялар колледжінің "Жігер" әскери-патриоттық клубының басшысы Марат Аққалиев бастаған топ қазақстандықтардың қатысуымен ашылған ескерткішке армия генералы А.В.Хрулев атындағы әскери материалдық-техникалық қамтамасыз ету академиясының қавзақстандық тыңдаушылары алғашқы болып тағзым етті.
