Денсаулық сақтау вице-министрі Людмила Бұйрабекова құны 833 теңге тұратын ПТР-тестен өту үшін азаматтар неге қала қағатын қаржы төлеп жатыр деген сұраққа жауап берді.
Естеріңізге салайық, бұдан бұрын денсаулық сақтау министрі Алексей Цой үкімет 1,2 млн ПТР-тест алуға 1 млрд теңге бөлгенін мәлімдеді. Осыдан соң көпшілік қарастырылған қаржыны сатып алынған ПТР-тест санына бөліп, "бір тестің өзіндік құны 833 теңге, зертханалар ПТР-тест үшін әр адамнан неге 11-20 мың теңге талап етіп жатыр?" – деп дабыл қақты.
Вице-министрдің сөзінше, азаматтар тест үшін емес, көрсетілген қызмет үшін төлейді.
"Бір адамды ПТР-тестен өткізу үшін материал жинайтын зонт пен пробиркадан басталатын 40 түрлі зертханалық жабдық қажет. Бұған қоса медицина қызметкерлерінің қорғаныш құралдары мен жалақысы бар. Ұлттық сараптама орталығының зертханаларында ПТР-тестің құны шамамен 10 500 теңге", – деді Людмила Бұйрабекова.
Қанат Махамбет
