Беларусь Президенті Александр Лукашенко ресейлік әріптесі Владимир Путин Беларуське ешқашан Ресей Федерациясының құрамына кіруді ұсынбағанын айтты.
"Путин маған "Беларусьті Ресейге қосайық" деп ешқашан айтқан емес. Ешқашан", – деді Лукашенко бейсенбі күні елдің мектептері мен университеттерінде тікелей эфирде өткен ашық тарих сабағында.
Оның айтуынша, Беларусьтің Ресей Федерациясына кіруін ешкім талап етпейді. Президент Беларусь пен Ресей өзара тиімді ынтымақтастықта екенін, Беларусь тарапы энергия ресурстарын бәсекеге қабілетті бағамен алатынын, өз кезегінде Ресей Федерациясына да қолдау көрсетіп отырғанын атап өтті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
