Тиісті өкім құқықтық ақпарат порталында жарияланған, деп жазады inbusiness.kz сайты.
Құжатта мемлекет басшысы Ресей Федерациясы Үкіметінің осы екіжақты құжатқа қатысты ұсыныстарын қабылдағаны көрсетілген.
"Ресей Энергетика министрлігіне осы шартқа қол қою туралы келіссөздер барысында Ресей СІМ-мен келісім бойынша Ресей Федерациясының Үкіметі мақұлдаған жобаға түбегейлі сипаттағы өзгерістер енгізуге рұқсат беру", – делінген құжатта.
Сонымен қатар, Владимир Путин бұл шартқа жоғары деңгейде қол қоюды орынды деп санады.
Естеріңізге сала кетейік, Беларусь пен Ресей 1999 жылдан бері одақтас мемлекет құрып келеді. Тараптар соңғы бірнеше жылда электр энергиясының бірыңғай нарығын құру қажеттілігі туралы айтып келеді. 2024 жылғы ақпанда Біріккен нарықты қалыптастыру туралы мемлекетаралық шарттың жобасы дайындалғаны, келісілгені және мемлекетішілік рәсімдерден өткені белгілі болды.
