Қырым көпірін бұзуға тапсырыс бергендер мен орындаушылар Украинаның арнайы қызметтері болды, сондықтан оның террористік акт екеніне күмән жоқ, деді Ресей Президенті Владимир Путин Тергеу комитетінің төрағасы Александр Бастрыкинмен кездесуде деп хабарлайды inbusiness.kz РИА жаңалықтарына сілтеме жасай отырып.
"Мұнда <...> күмән жоқ. Бұл Ресейдің маңызды азаматтық инфрақұрылымын жоюға бағытталған террористік акт", – деп атап өтті ол.
СК басшысы "Терроризм" бабы бойынша қылмыстық іс қозғалғанын мәлімдеді. Ол сондай-ақ Мемлекет басшысына диверсияны дайындаумен айналысқан күдіктілердің жеке басы анықталғаны жайлы хабарлады.
СК төрағасы атап өткендей, жарылысты ұйымдастыруға Украинаның арнайы қызметтері де, Ресей мен шет елдердің азаматтары да қатысты.
Оның айтуынша, қазір тергеушілер жасалған қылмыстың мақсаттары мен міндеттерін белгілеуді жалғастыруда. Барлық қолда бар деректер бұл азаматтық инфрақұрылымның ірі нысанын жоюға бағытталған террористік акт болғандығын айғақтайды, деп атап өтті Бастрыкин.
