Ресей президенті Владимир Путин мен Қытай басшысы Си Цзиньпин бірлескен Қытай-Ресей атом нысанының құрылысын бастау рәсіміне қатысады, деп хабарлайды Inbusiness.kz Қытайдың СІМ баспасөз қызметіне сілтеме жасап.
Мемлекет басшыларының қатысуымен өтетін шара онлайн форматта ұйымдастырылады. Әзірге бұған қатысты басқа ақпарат жарияланбады.
Еске сала кетсек, 2019 жылғы наурызда Бейжіңде Росатом мен Қытайдың ұлттық атом корпорациясының өкілдері Тяньвань АЭС-ның жетінші және сегізінші блоктарын салуға қатысты келісімшартқа қол қойған еді.
2021 жылғы 9 наурызда Ресей мен Қытай тараптары ай станциясын салу туралы меморандумға қол қойды. Құжатта бойынша, бұл станция көп салалы ғылыми-зерттеу жұмыстарын жүргізуге арналған. Келешекте адамды айға ұшыру жоспары да бар. Келісімге сәйкес, тараптар жобаны бірлесе атқарып, әлем қоғамдастығына да бірге таныстырады. Қос мемлекет билігі ғарыш кеңістігін бүкіл адамзаттың мүддесі үшін пайдалануға уағдаласты.
Табиғат Нұрболат
