Ресей Президенті Владимир Путин Қытай басшысы Си Цзиньпинмен бейнебайланыс форматында кездесу өткізеді, деп хабарлайды Inbusiness.kz ҚХР СІМ-нің ресми өкілі Хуа Чуньиннің мәлімдемесіне сілтеме жасап.
"ҚХР төрағасы Си Цзиньпин 15 желтоқсанда Ресей Президенті Владимир Путинмен бейнебайланыс форматында кездесу өткізеді", – деді дипломат.
Келіссөз барысында қандай мәселелер талқыланатыны жарияланбады.
14 қазанда Путин Си Цзиньпинмен көптеген жылдар бойы бірлесе жұмыс істеп, саяси ынтымақтастық саласында да, экономика саласында да жетістікке қол жеткізгенін айтты. Ол мұндай байланыс қос елге де пайдалы екенін алға тартты.
Еске сала кетсек, 7 желтоқсанда Путин мен Байден бейнебайланыс арқылы келіссөз жүргізген еді. Олар Мәскеу мен Вашингтонның қарым-қатынасы, НАТО-ның әрекеттері, Украинадағы жағдайды талқылады.
Табиғат Нұрболат
