Ресей Президенті Владимир Путин бейсенбі күні Дональд Трампты сайлаудағы жеңісімен құттықтап, Трамптың Пенсильванияда өміріне қастандық жасау кезіндегі батылдығына құрмет білдірді, деп жазады inbusiness.kz сайты.
Путин Мәскеудің Республикалық партияның сайланған Президентімен диалогқа дайын екенін айтты.
Трамп жеңісінен кейінгі алғашқы мәлімдемелерінде Путин шілде айында Пенсильваниядағы митингіде болған қастандық кезінде Трамп өзін нағыз адам ретінде көрсеткенін атап өтті.
"Ол, менің ойымша, дұрыс істеді, нағыз ержігітке лайықты батылдық көрсетті", – деді Путин Сочидегі "Валдай" клубының отырысында. – Осы сәтті пайдаланып, оны Америка Құрама Штаттарының Президенті болып сайлануымен құттықтағым келеді".
Путин Трамптың сайлау науқаны кезінде Украина мен Ресей қарым-қатынасын қалпына келтіру туралы айтқан сөздеріне қатысты да өз ойын айтты.
"Осы уақытқа дейін көпшілік алдында айтылған, Ресеймен қарым-қатынасты қалпына келтіру, Украина дағдарысын тоқтатуға көмектесу ниеті туралы айтылғанның барлығы, менің ойымша, назар аударуға лайық сияқты", – деді Путин.
