Песковтың айтуынша, сапар туралы сұрақтар қоюға әлі ерте, жоспарлар өзгерген жоқ, деп хабарлайды inbusiness.kz "Прайм" агенттігіне сілтеме жасай отырып.
Бұған дейін БАҚ-та Владимир Путин Қазақстанға 13-14 қазанда ұшуы мүмкін екендігі туралы ақпарат шыққан болатын.
Сонымен қатар Ресей Федерациясы Президентінің Халықаралық істер жөніндегі көмекшісі Юрий Ушаков Путин қазан айында Астанада өтетін Азиядағы өзара іс-қимыл мен сенім шаралары жөніндегі кеңеске және ТМД саммитіне қатысатынын, сондай-ақ "Ресей-Орталық Азия" форматында жоғары деңгейдегі кездесуді өткізетінін мәлімдеген.
"Мұндай сұрақтар қоюға әлі ерте", – деді Песков Президенттің қазан айында Астанаға сапарына қатысты сұраққа жауап бере отырып.
Бұл сапардың жоспарлары өзгерді ме деген қосымша сұраққа Президенттің баспасөз хатшысы "жоспарлар өзгерген жоқ" деп жауап берді.
