Авиакомпания Qazaq Air әуе компаниясы үстіміздегі жылғы 1 желтоқсаннан бастап қысқы әуе қатынасына көшу шеңберінде Астана-Семей тұрақты рейсін ашқалы отыр, деп хабарлайды компанияның баспасөз қызметіне сілтеме жасаған "Интерфакс-Казахстан".
Рейс Bombardier Q400 Next Genс әуе кемесінде аптасына екі рет – сейсенбі және бейсенбі күндері жасалады.
Астанадан Семейге ұшып жетудің ұзақтығы – 1 сағат 25 минут, әуе билетінің құны бір бағытқа әуежайдың алымдарын қоса есептегенде 16 мың 916 теңгеден басталады.
Бұған дейін де хабарланғандай, әуе компаниясы үстіміздегі жылдың 1 желтоқсанынан бастап Атыраудан Орал мен Ақтауға да әуе рейстерін ашқалы отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
