Мұнда тұтынушылар қажетті жанармайға келісім шарт жасай алады. Астанадағы орталық жөндеуден кейін есігін ашқан алғашқы кеңсе. Компания басшылығы ыңғайлы қызметпен барлық аймақты қамтимыз, - дейді.
Ғимарат замануи жабдықтармен қамтылған. Осында заңды тұлғалар, мемлекеттік мекемелер, арнайы ұйымдар қызмет көрсетеді. Барлығы 11 маман бар. Олар заңды тұлға мен жеке азаматтар үшінде қызмет етеді. Мұндай кеңсе Астанадан бөлек Павлодар облысында да бар. Келушілерге жанармай карталары мен электрондық талондар беріледі. Бұл мұнай өнімдерін сатып алу-сату процесін жеңілдету үшін жасалған. Бір артықшылығы келіскен қордағы жанармай бағасы өзгермейді.
"Мен жанармай карталары мен талондардың артықшылықтарын бөлек атап өтемін. Келісім-шарт жасай отырып, клиент жанармайдың құнын белгілейді, көлемнен қосымша жеңілдік алады, шектеулер де қоя алады. Компания клиенттер үшін бухгалтерлік есеп жүйесін жетілдіреді. Мысалы, әр клиент өзінің жеке кабинетінде жанармай шығындарын өз бетінше бақылайды. Қызмет онлайн режимде компанияның сайтында қолжетімді. Сондай-ақ, жақын арада B2B клиенттері үшін мобильді қосымша іске қосылады", дейді "Qazaq Oil" Астана қаласы және Павлодар облысындағы орталық директоры Ғани Алиев.
Қазір бекетке келушілердің 25% қолма-қол ақшасыз төлемді қолданады. "Qazaq Oil" мекемелеріне күрделі жөндеу жүргізіп жатыр. Олардың қатарында жанармай құю бекеттері, мұнай базалары, сондай-ақ сату орталықтары да бар.
